مساء /صباح الفل
لاحلى منتدى عندي اليوم سؤال يضرب بشبكة الاعصاب المخيه والشوكيه بعد
ماذا لو انفكت العقده وسمح للنساء بقياده العربيه على قوله اهل النيل وصار عادي
المراه تسوق سياررره !!
انت كزوووج وش شعورك وزوجتك جايه تقولك......
تكفى يابوفلان كنت ماشيه ع الخط السريع انا وام محمد وسرعتي فوق 180 وكتبلي المرور مخالفه تكفى ((بدمعتين من دموع التماسيح طبعا)) كلم الضابط اللي تعرفه يلغي هالقسيمه؟؟ !او ساهر مسكني كنت قاطعه الاشاره مستعجله اخااف المشغل يقفل ويروح الموعد علي وبعد العصر مايمديني البنات متجمعات بدري!!اوورا هالمرور وساهر واقفين لنا يادوب جيت اكلم اختي عن زواج بنت عم ابوي الاهو ماسكني مالحقت اسألها عن الزفه ! اوجايتك يوم قالت حبي صراحه السياره اللي شريتها لي الشهر اللي راح حسدوني عليها كنت بحط الحمره وانا جايه ع البيت عشانك ياروحي فجأه الاوانا صادمه في العمود اهي اهي !!
او فرضا سيارتك خربانه ودقيت عليها قلت حبيبتي تكفين مريني ع الدوااام االسياره تعطلت وتجيك مفحطه خخخخ(ياعمري ) وتوقف قدام باب الشركه يلا حبيبي اررركب وجايبتلك معاها ورده وطبعا تركب واصحابك وراااك وحشا مجتمعنا مايحب القيل والقال والحش في الاصحاب
في هالحالات واكثر.......... بعد
كيف راح تكون ردة فعلك هل تسمح لها اولا ؟
وانتن يامعشر النساء ودكم ذا يصير وترتاحين
اذا تبين مشوار ماتنتظرين مكرمة احد
سواء زوج اواخ اوغيره اورافضه الموضوع
خالص !!!
اما اللي ماعندها اشكاليه من هالناحيه وزوجها ديموقراطي والعائله الكريمه اعلنت الموافقه بس هي تقوووول
ماذا لووو!!
تعطلت سيارتي وانا في الطريق ! او تقولك لوخلص البنزين عليه ايش راح اسوي اوكيف لويصير للكفر بنشر ياااي واحوس بعدين ماتخيل نفسي امسك العفريته وارفع الكفر
اقولك لا تشيلين هم شبابنا بسم الله عليهم راعين واجب وفزززعات وفيهم الخير والبركه خاصه لو كان المتضرر من الجنس الاخر ماراح يخلونك وحيده شعارهم قول ياسر التويجري
حنا هل الفزعااات والطيب والكار نكرم ضيوف الله وهو ضيف رحال
فما بالك بالقواااارير!!!
وراح يقلبون الدنيا عشاننا خخخخ
طبعا بعيد عن الدين والشرع عني رافضه الفكره شكلا ومضمونا وبصراحه عندي فوووبيا حوادث السيارات >>>الله يكفينا شرها ولايعيده ذكرررى
وزوجي رافضها تماما يقول لفي المملكه على رجلينك ولاتسوقين الا احلمي
خخخخخ>>>مدري وش يحس فيه
اشووووف ارائكم الحلوه مع اوضد الفكره......وتحياتي